Samfélagslega sterkir innviðir
Að sjá!
Hvernig var árið 2019 hjá Sýn? Það var að mínu mati tímamótaár, sé litið til lengri tíma. Þetta var annað árið í sameinuðu fjölmiðla- og fjarskiptafyrirtæki. Það er auðvitað mikilvægt en samt ekki það sem stendur upp úr. Það sem stendur upp úr er að 2019 var árið sem Sýn réðst í kjarkmiklar breytingar sem munu gjörbreyta fyrirtækinu til nánustu framtíðar.
Að gera meira fyrir minna
Hvert sem litið er í heiminum er áskorunin sú sama: Hvernig er hægt að gera meira fyrir minna? Samfélagið býður ekki upp á það að gera meira fyrir meira, eða gera minna fyrir minna, eins og sumir telja að sé náttúrulögmál. David Attenborough, náttúrufræðingurinn margfrægi sagði „sá sem trúir á endalausan vöxt er annað hvort galinn – eða hagfræðingur“. Þarna verður honum á í messunni, enda er framleiðniaukning eitthvað sem sést ekki í líffræði, en hefur skapað þá velmegun sem heimurinn býr við í dag. Við erum alltaf að gera meira fyrir minna. Það kallast framþróun.
Samfélag og umhverfi
Sýn sýnir samfélagsábyrgð í verki með því að sinna hlutverki sínu sem fjarskipta- og fjölmiðlafyrirtæki af fagmennsku og ábyrgð. Sýn leggur sitt af mörkum við uppbyggingu og framþróun samfélagsins með því að veita mikilvæga þjónustu og stuðla að virkri samkeppni á markaðnum.
